இலங்கைக்கு மூன்றாவது சதம்

பங்களாதேஷ் மற்றும் இலங்கை அணிகளுக்கு இடையில் இடம்பெறுகின்ற முதலாவது டெஸ்ட் கிரிக்கட் போட்டியின் முதல் இன்னிங்சில் துடுப்பெடுத்தாடும் இலங்கை அணி வீரர் ரொஷான் சில்வா  சதம் அடித்துள்ளார்.

முதல் இன்னிங்சில் துடுப்பெடுத்தாடி வரும் இலங்கை அணி சற்று முன்னர் வரை 03 விக்கட் இழப்புக்கு 533 ஓட்டங்களைப் பெற்று 20 ஓட்டங்களால் முன்னிலையில் உள்ளது.

பங்களாதேஷ் மற்றும் இலங்கை அணிகளுக்கு இடையிலான முதலாவது டெஸ்ட் போட்டியின் நான்காம் நாள் ஆட்டம் இன்று இடம்பெறுகின்றது.

இந்தப் போட்டியில் முன்னதாக இலங்கை அணி சார்பாக தனஞ்சய டி சில்வா தனது 04வது டெஸ்ட் சதத்தைப் பதிவு செய்திருந்ததுடன், குசல் மெண்டிஸும் 04வது டெஸ்ட் சதத்தைப் பதிவு செய்திருந்தார்.

பங்களாதேஷ் அணி முதல் இன்னிங்சில் சகல விக்கட்டுக்களையும் இழந்து 513 ஓட்டங்களை பெற்றுள்ளமை குறிப்பிடத்தக்கது.